Ապահովագրական պատահարի դեպքում
Ապահովագրական պատահար է համարվում Օտարերկրյա գնորդի կողմից Արտահանողին վճարման ենթակա գումարի մասնակի կամ ամբողջական չվճարումը արտահանման պայմանագրով սահմանված ժամկետում, եթե այդ պարտավորությունների կատարման անհնարինությունը պայմանավորված է առևտրային կամ քաղաքական ռիսկերով:
ՔԱՅԼ 1. Օտարերկրյա գնորդից վճարում չստանալու դեպքում արտահանման ապահովագրության վկայագրով սահմանված ժամկետում Դուք պետք է մեզ ներկայացնեք հետևյալ փաստաթղթերը և տեղեկությունները.
1. Ձեր կողմից լրացված ապահովագրական հատուցման հայտը
2. Ապահովագրության վկայագիր
3. Ձեր կողմից Գնորդին համապատասխան ապրանքների առաքումը և գնորդի վճարման պարտավորությունը հավաստող
փաստաթղթեր, մասնավորապես.
- գնորդին տրամադրված և դեռևս չվճարված հաշիվ-ապրանքագիր
- ապրանքների առաքումը հավաստող փաստաթղթեր
- արտահանման բեռնամաքսային հայտարարագիր
- գնորդի հավաստումն առ այն, որ ստացել է առաքված ապրանքները և ընդունում է իր վճարման պարտականությունը
- վճարման վերաբերյալ գնորդին ուղարկված գրավոր հիշեցումներ, նամակագրություն
- այլ փաստաթղթեր
4. Գնորդի կողմից չվճարումը, դրա պատճառները (առևտրային կամ քաղաքական ռիսկերը) հիմնավորող փաստաթղթեր
5. Ըստ անհրաժեշտության՝ այլ փաստաթղթեր, ապացույցներ
ՔԱՅԼ 2. Բոլոր անհրաժեշտ փաստաթղթերը և տեղեկությունները ստանալուց հետո «Հայաստանի արտահանման ապահովագրական գործակալություն» ԱՓԲԸ-ն ուսումնասիրում է դրանք և կայացնում է հատուցման վերաբերյալ որոշում:
ՔԱՅԼ 3. Հատուցում վճարելու վերաբերյալ որոշում կայացնելուց հետո «Հայաստանի արտահանման ապահովագրական գործակալություն» ԱՓԲԸ-ն Ձեզ փոխանցում է հատուցման ենթակա գումարը:
* Ապահովագրողի և Ապահովադրի փոխադարձ համաձայնությամբ կարող է սահմանվել ապահովագրական հատուցման հայտի կարգավորման այլ ժամկետներ:
