Հայաստանի արտահանման ապահովագրական գործակալության աշխատակիցները, գործադիր տնօրենի տեղակալ Տիգրան Քալաշյանի գլխավորությամբ, հետագա համագործակցության ընդլայնման նպատակով այցելել էին «Մերձավանի կոնյակի գործարան» ՍՊԸ՝ տեղում ծանոթանալու գործարանի գործունեությանը, կոնյակի և այլ ալկոհոլային խմիչքների արտադրության տեխնոլոգիական գործընթացներին, որակի ապահովման մեխանիզմներին և արտահանման ներուժին։

Հանդիպման ընթացքում քննարկվեցին հետագա համագործակցության խորացման և ընդլայնման հնարավորությունները, արտահանման ապահովագրական գործիքակազմի կիրառման արդյունավետ մեխանիզմները, ինչպես նաև գործարանի արտահանման ներուժի լիարժեք իրացման, միջազգային շուկաներում դիրքի ամրապնդման և արտահանման ծավալների կայուն աճին ուղղված քայլերը։

Հայաստանի արտահանման ապահովագրական գործակալությունը շարունակում է ակտիվ համագործակցությունը տեղական արտադրողների հետ՝ նպաստելով արտահանման խթանմանը և միջազգային շուկաներում հայկական արտադրանքի մրցունակության բարձրացմանը։